काठमाडौँ– पूर्वप्रधानमन्त्री बाबुराम भट्टराईले नेपाल वायु सेवा निगमलाई निजीकरण गर्ने प्रक्रियाको विरोध गरेका छन् ।

उनले सार्वजनिक अपिल जारीगर्दै निजीकरणको गलत प्रक्रियाबाट सरकारलाई पछि हट्न र यस कार्यमा संलग्नलाई कारबाहीको दायरामा ल्याउन माग गरेका छन्।

भट्टराईले निगमलाई पब्लिक लिमिटेडको रुपमा नयाँ कम्पनी दर्ता गर्ने र शतप्रतिशत शेयर निजी क्षेत्रलाई जिम्मा लगाउने गरी कामचलाउ सरकारले प्रपञ्च रचेको आरोप लगाएका छन् ।

‘यसको भित्री अभिष्ट भनेको नजिकका दलाल पुँजीपतिहरुलाई नै संस्थान पोष्नु रहेको छ । क्रोनी क्यापिटालिज्मको यो भन्दा नग्नरुप अरु के हुन सक्छ,’ भट्टराईले प्रश्न गर्दै भनेका छन्, ‘उड्डयन व्यवसाय सम्बन्धमा कुनै अनुभव र ज्ञान नभएका आसेपासे, हुक्के बैठकेहरुलाई प्रबन्ध निर्देशक तथा सञ्चालक सदस्यहरु नियुक्त सह्य छैन ।’

भट्टराईले सरकारलाई विभिन्न पाँच प्रश्न सोध्दै त्यसको जवाफ पनि माग गरेका छन् । सरकारी क्षेत्रको यति ठूलो संस्थानलाई गरिने निजीकरणले दूरगामी प्रभाव पार्ने उनको निष्कर्ष छ ।

यस्तो छ डा. भट्टराईले गरेको सार्वजनिक अपिल