काठमाडौँ– युनिलिभर नेपाल लिमिटेडले आफ्नो ग्लोबल आपूर्ति शाखाका नेटवर्कलाई सक्रिय गरी विभिन्न अस्पतालमा स्वास्थ्य सामग्री सहयोग गरेको छ ।

विभिन्न मेडिकल तथा आपतकालीन उपकरण, जिल्ला प्रशासन कार्यालय हेटौँडा, स्वास्थ्य तथा जनसंख्या मन्त्रालय, वीरेन्द्र सैनिक अस्पताल, छाउनी र नेपाल उद्योग वाणिज्य महासंघमार्फत अनुदान दिएको हो।

विश्वका विभिन्न युनिलिभर व्यवसाय तथा अन्तर्राष्ट्रिय युनिलिभरद्वारा, तत्काल आवश्यक परेको स्थानमा अक्सिजन कन्सनट्रेटर्सको योगदान गरिएको छ ।

माथि उल्लेखित उपकरण तथा सामानहरु मेडिकल क्षेत्रमा अग्र स्थानमा रहि आफ्नो ज्यान जोखिममा राखि काम गर्ने मेडिकल कर्मचारीलाई भाइरसबाट रोकथाम तथा उपचारका लागि अत्यन्तै आवश्यक मेडिकल उपकरणहरु रहेको युनिलिभर नेपालले जनाएको छ ।

स्वास्थ्य तथा जनसङख्या मन्त्रालयको तर्फबाट मुख्य विशेषज्ञ डा.रोशन पोखरेलले युनिलिभर नेपालको सहयोगप्रति आभार प्रकट गरे ।

उपकरण हस्तान्तरण गर्दै युनिलिभर नेपालका प्रबन्धक अम्लान मुखर्जीले भने, “हाम्रो बुझाईमा वर्तमान समयमा, कोभिडको सिकिस्त केसहरुलाई निरन्तर अक्स्जिनको सप्लाई पुग्ने तरिकाले मेडिकल पूर्वाधारको भार कम गर्नुपर्छ । यस्को निम्ति अरु रोगका उपचारका लागि अक्सिजन थेरापीको उपकरणहरु पर्याप्त मात्रामा हुनुपर्छ ।’

कोभिड सक्रमणका बिरामीहरुलाई हेरचाह गर्नका लागि अति आवश्यक पर्ने प्लान्ट स्थापना गर्नका लागि मेडिकल उपकरणहरु बाहेक युनिलिभरले मकवानपुर (हेटौंडा) मा अक्सिजन प्लान्ट स्थापना गर्न उल्लेख्यनीय आर्थिक सहयोग गरेको छ ।

युनिलिभरले लाइफव्वाय ब्राण्डलाई लिएर महामारीमा सहि व्यवहारको बारे जनचेतना जगाउन विभिन्न संचार माध्यमबाट जनचेतनामूलक अभियान समेत सञ्चालन गरेको छ ।