जनकपुरधाम– सिरहामा प्रहरीको हिरासतमा रहेका एक जना थुनुवा गएराति फरार भएका छन्।
इलाका प्रहरी कार्यालय लहानको हिरासतमा रहेको एक जना थुनुवा फरार भएका हुन् । लागुऔषधसहित पक्राउ परेर हिरासतमा रहेका उनी गएराति १ बजेतिर फरार भएको लहानका डीएसपी तपन कुमार दाहालले जानकारी दिए ।
उनका अनुसार फरार भएका अभियुक्त जेठ २० गते पक्राउ परेका थिए । उनी राति १ बजेको समयमा हिरासतको ग्रील तोडेर फरार भएको प्रहरीले जानकारी दिएकाे छ । फरार भएका थुनुवाको नाम भने प्रहरीले खुलाएको छैन ।
उनको खोजी जारी रहेको प्रहरीले जनाएको छ ।
प्रतिक्रिया