काठमाडौँ– भक्तपुरको सूर्यविनायक नगरपालिका – ७ घ्याम्पे डाँडाको जंगलमा सरकारी गाडीभित्र अश्लिल क्रियाकलाप गरिरहेका तीन जनालाई प्रहरीले पक्राउ गरेको छ ।

पक्राउ पर्नेहरुमा चालक सिन्धुपाल्चोकका ४१ वर्षीय जितबहादुर खत्री, गाडीमा सवार शम्भु कार्की र अर्की २१ वर्षीया महिला रहेको प्रहरीले जनाएको छ । कार्की र महिला गाडीभित्र अश्लिल गतिविधि गरिरहेको अवस्थामा प्रहरीले पक्राउ गरेको हो ।

प्रदेश नम्बर ३–०१–००२ झ ५०५२ नम्बरको गाडी महिला, बालबालिका तथा ज्येष्ठ नागरिक मन्त्रालयको रहेको खुलेको छ । उनीहरुलाई पक्राउ गरेर सोधपुछ भइरहेको भक्तपुरका प्रहरी नायब उपरीक्षक दीपक गिरीले बताए ।

उनीहरुविरुद्ध सार्वजनिक स्थानमा यौन क्रियाकलाप गर्न नहुने कसूरमा म्याद थप गरेर अनुसन्धान भइरहेको छ । गाडी चालक खत्री मन्त्रालयकै कर्मचारी हुन् ।