काठमाडौँ– नेकपा एमालेकी नेतृ रामकुमारी झाँक्रीले भोलिका लागि प्रधानमन्त्री केपी शर्मा ओलीले बोलाएको  केन्द्रीय कमिटी बैठकलाई ‘गुटको बैठक’ भएको बताएकी छिन् ।

एमाले वरिष्ठ नेता माधवकुमार नेपाल र झलनाथ खनाल पक्षकी नेतृ झाँक्रीले आफूहरुले उठाएका राजनीतिक र सांगठनिक मुद्दाको सम्बोधनविना नै बैठक बोलाइएको भन्दै गुटको बैठकको संज्ञा दिएकी हुन् ।

‘भ्रममा नपरौ! भोलि असार १८ गते नेकपा एमालेको नाममा आयोजना गर्ने भनिएको बैठक गुटको बैठक हो। हामीले उठाएका राजनितिक र सांगठनिक मुद्धाको सम्बोधन बिना बैठकमा सहभागी हुने कुरै आउँदैन ।’,उनले सामाजिक सञ्जालमा लेखेकी छिन्, ‘आज बसेको हाम्रो स्थायी कमिटीको बैठकले उक्त बैठकमा नजाने निर्णय गरेको छ। पार्टी एकताको नाममा छरेको भ्रमको पर्दा उतारिएको छ हिजो ओली गुटको बैठकले २०७७ फागुन २८ को निर्णयको नाम मात्र फेरेको हो।’

नेपाल खनाल पक्षको आजको बैठकले केन्द्रीय कमिटी बैठकमा नजाने निर्णय गरेको थियो ।