दोहा– सफल सगरमाथा आरोहण गरेका बहराइन राजकुमार शेख मोहम्मद अल खालिफालाई त्यहाँका राजा हम्मद बिन लस खालिफाले सम्मान पुरस्कार दिएका छन् ।

राष्ट्रिय सुरक्षा सल्लाहकार तथा शाही गार्डका कमाण्डर समेत रहेका उनलाई नेपालमा रहेको सर्वोच्च शिखर सगरमाथाको चढ्ने ऐतिहासिक लक्ष्य पूरा गरेकोमा सम्मान गरिएको हो ।

टोलीमा रोयल गार्ड विशेष बलका कमाण्डर लेफ्टिनेंट कर्नल शेख खालिद बिन हमद अल खलिफा उपस्थित रहेको थियो ।

गत वर्षको चैत २ गते नेपाल गएका उनले सगरमाथाको उचाइ बढेपछि अन्तराष्ट्रिय टोलीको नेतृत्व गर्दै पहिलो पटक सगरमाथाको सफल आरोहण गरेका थिए ।

अल खलिफासहितको टोलीले गत वैशाख २८ सगरामाथाको सफल आरोहण गरेर स्वदेश फर्किएका थिए ।