काठमाडौँ– काठमाडौँको पानीपोखरीस्थित अन्तर्राष्ट्रिय बालमैत्री अस्पतालमा आगलागी हुँदा चार जना कामदार घाइते भएका छन् ।
अस्पतालको नवनिर्मित भवनमा मंगलबार दिउँसो आगलागी भएको महाराजगञ्ज प्रहरीले जनाएको छ । भवनमा विद्युत वाइरिङ गर्ने क्रममा आगलागी भएको हुनसक्ने अनुमान गरिएको छ ।
आगलागीमा परि घाइते चार जना कामदारको शिक्षण अस्पतालमा उपचार गरिएको छ । आगो सेना प्रहरी लगायतले आधा घण्टामा नियन्त्रणमा लिएको थियो ।
अस्पतालमा विद्युतको काम गरिरहेका कामदारले विद्युत वाइरिङ गर्ने क्रममा आगलागी भएको जानकारी दिएका छन् ।
आगलागीबाट भएको क्षतिको पूर्वविवरण आएको छैन ।
प्रतिक्रिया