काठमाडौँ– एमाले नेता माधवकुमार नेपालले देशको स्वाधिनता, स्वाभिमान र राष्ट्रहितको रक्षाका लागि संघर्षमा उत्रिनुपरेको बताएका छन् ।

बिहीबार संसद भवन नयाँ बानेश्वरमा बिपक्षी गठबन्धनले सम्पादकहरुसंग गरेको छलफलमा नेता नेपालले दुई पटक संसद विघटन, अध्यादेशबाट मुलुक सञ्चालन गर्न खोज्ने काम प्रधानमन्त्रीले गरेका कारण प्रधानमन्त्रीका असंवैधानकि कदमविरुद्ध संघर्षमा उत्रिनुपरेको बताए ।

उनले ओलीको अहंकारले संसद विघटन गरे पनि कोर्स करेक्सन गर्न सकिने जिकिर गरे ।

उनले भने, ‘गल्ती स्वीकार गरेर कोर्स करेक्सन गर्न तयार भए प्रधानमन्त्री ओलीलाई पनि स्वागत गर्छौँ ।’ उनले संविधान र लोकतन्त्र जोगाउन सकरात्मक सोच राख्ने सबैसँग सहकार्य हुने धारणा राखेका थिए ।