काठमाडौँ- कोपा अमेरिका फुटबलमा ब्राजिलले अपराजित यात्रा कायमै राखेको छ ।

बिहीबार बिहान सम्पन्न खेलमा कोलम्बियामाथि पुनरागमन जित निकाल्दै ब्राजिलले अपराजित यात्रा कायमै राखेको हो ।

खेलको १०औँ मिनेटमा एक गोलले पछि परेको अवस्थालाई उल्ट्याउँदै ब्राजिलले कोलम्बियाविरूद्ध २-१ गोलको जित निकाल्यो ।

ब्राजिलका लागि इन्जुरी समयको अन्तिममा कासेमिरोले निर्णायक गोल गरे ।

१०औँ मिनेटमा लुइस डियाजले गोल गर्दै कोलम्बियालाई अग्रता दिलाए पनि त्यसलाई अन्तिमसम्म कायम राख्न नस्कदा कोलम्बिया पराजित भयो ।

७८औँ मिनेटमा रोबर्टो फिरमिनोले ब्राजिलका लागि बराबरी गोल गरे । ब्राजिलको जितमा इन्जुरी समयको अन्मित मिनेटमा कासेमिरोले निर्णायक गोल गरे ।

लगातार तीन खेलमा जित निकालेको ब्राजिल ९ अंक जोडेको ब्राजिल यसअघि नै क्वाटरफाइनलमा पुगिसकेको छ । कोलम्बिया चार अंकसहित दोस्रो स्थानमा छ ।