काठमाडौँ– सिन्धुपाल्चोको मेलम्ची नगरपालिका र हेलम्बु गाउँपालिकालाई भक्तपुरको मध्यपुर थिमि नगरपालिकाले आर्थिक सहयोग गरेको छ ।

मध्यपुर ठिमी नगरपालिकाकी उपमेयर अन्जना देवी मधिकर्मी र नेपाली काँग्रेसका नेता तथा पूर्व सञ्चारमन्त्री मोहन बस्नेतको टोलिले बुधबार आर्थिक सहयो हस्तान्तरण गरेको हो ।

मध्यपुर ठिमी नगरपालिकाले सिन्धुपाल्चोकको हेलम्बु गाउँपालिलाई ११ लाख ११ हजार १ सय ११ रुपैयाँ र मेलम्चि नगरपालिकालाई ११ लाख ११ हजार १ सय ११ रुपैयाँको चेक उपमेयर मधिकर्मीले हस्तान्तरण गरे ।

नेपाली काँग्रेसका नेता एवं पूर्व मन्त्री मोहन बस्नेतले आफूहरुले निरन्तर सहयोग गरिरहेको जानकारी दिँदै उनले विरोधीहरुले कहाँबाट पैसा आयो भन्दै विभिन्न बखेडा भिकिरहेको बताए ।

उनले आफूहरुले पार्दशी ढंगले बाढी प्रभावित जनताको सेवा गरिरहेको बताए ।

बस्नेतले बाढीबाट मृत्य भएका दुईजनाका परिवारलाई जनही ५०-५० हजार रुपैया हस्तान्तरण गरे । उनले बाढी प्रभाविति हेलम्बुका तीन वटा वडाहरुमा १–१ लाखको सहयोग हस्तान्तरण गरेका थिए ।

हेलम्बु गाउँपालिका वडा नं ३, वडा नं ४ र वडा नं ७ लाई तार जाली लगाउन सहयोग गरेको उनले बताए । नेपाली काँग्रेस भक्तपुर जिल्लाले गरेको तीन लाख भन्दा बढिको सहयोग समेत आजै हस्तान्तरण गरिएको छ ।

विभिन्न ठाउँबाट सहयोग गर्नुहुने सबैलाई हेलम्बु गाउँपालिकाका अध्यक्ष निमा ग्याल्जेन शेर्पा र मेलम्ची नगरपालिकाका मेयर डम्बर बहादुर अर्यालले धन्यवाद दिए ।

अहिले बाढीका कारण प्रभावित जनताको जीवन रक्षाका लागि विभिन्न ठाउँबाट सहयोग भइरहेको जनप्रतिनिधिहरुको भनाइ छ ।