काठमाडौँ– नेकपा एमालेका नेता एवं पूर्व मन्त्री गोकुल बाँस्कोटाले राजनीति संविधानको धारा र कानूनको दफाको गोलचक्करमा सीमित नहुने बताएका छन् ।

सर्वोच्च अदालतले प्रतिनिधिसभा विघटन भएपछि प्रधानमन्त्री केपी शर्मा ओलीले पुनर्गठन तथा विस्तार गरेको मन्त्रिमण्डलका उपप्रधानमन्त्री, मन्त्री तथा राज्यमन्त्रीहरूलाई अन्तरिम आदेशद्वारा बर्खास्त गरेपछि उनको यस्तो प्रतिक्रिया आएको हो ।

‘अति सरल कुरा नि राजनीति धारा दफाको गोलचक्करमा सिमीत हुँदैन। ती विगत र वर्तमान हुन ।’, उनले सामाजिक सञ्जालमा भनेका छन् ,’ तर राजनीति विगत,वर्तमान र भविष्य पनि हो । उत्पादन संघर्ष,सतहमा प्रकट हुने भिषण राजनीतिक टकरावबाट सिर्जना हुने नयाँ शक्ति सन्तुलनको समग्र प्रबन्ध चै राजनीतिले मात्र गर्छ है।’

उनले इतिहासका निर्माता जनता भएको बताएका छन् ।