काठमाडौँ– गण्डकी प्रदेशका पूर्वमुख्यमन्त्री पृथ्बीसुब्बा गुरुङले वर्तमान सरकारसँग सहकार्य गरेर अघि बढ्ने बताएका छन् ।

आजको प्रदेशसभा बैठकमा बोल्दै उनले राजनीतिक विषयमा आफ्नो विचार भएपनि जनतलाई उठाउने विषयमा सबैको साझा एजेन्डा बन्नुपर्ने बताए ।

‘अन्य बेलामा राजनीतिक कुरा पनि हुनसक्छ तर जनतालाई सवल बनाउने कुरामा हामी एउटै रोड म्यापमा छौँ भन्ने कुरा भुल्नु हुन्न,’ गुरुङले भने ।

उनले वर्तमान सरकारलाई भ्रष्ट्राचार नियन्त्रणमा लाग्न समेत आग्रह गरेका छन् । आफ्नो कार्यकालमा आफूले प्रयास गरेपनि समय नभएकाले वर्तमान सरकारलाई त्यसमा लाग्न गुरुङले आग्रह गरेका छन् । उनले भने, ‘हामीले गर्न सकेनौँ, गर्न भ्याएनौँ पनि अब भ्रष्ट्राचार नियन्त्रणमा गर्न तपाई लाग्नुस् ।’