काठमाडौँ– साताको अन्तिम दिन बिहीबार शेयर बजार परिसूचक नेप्सेमा झिनो अंकको गिरावट आएको छ । बुधबार ५२ अंकले घटेको नेप्से परिसूचक बिहीबार भने १.३ अंकले घटेर २ हजार ९ सय ६८ दशमल ४२ अंकमा झरेको छ ।

विहीबार सेन्सेटिभ परिसूचक पनि ०.५८ अंकले घटेर ५४१.१२ बिन्दुमा झरेको छ ।

बिहीबार कारोबार रकम पनि अघिल्लो दिनभन्दा कम भएको छ । बुधबार २१९ वटा कम्पनीको २ करोड ८२ लाख ८९ हजार १२८ कित्ता सेयर १५ अर्ब ४८ करोड ४४ लाख ७९ हजार ३१९ रुपैयाँमा खरिद-बिक्री भएको बजारमा बिहीबार भने २२३ कम्पनीको २ करोड ३ लाख ६५ हजार ६९९ कित्ता सेयर कुल १० अर्ब ९० करोड ४९ लाख ५८ हजार ९३५ रुपैयाँमा खरिद-बिक्री भएको छ ।

विहीबार विकास बैंक उपसमूहको परिसूचक सर्वाधिक २.०४ प्रतिशत बढेको छ । त्यसैगरी वित्त उपसमूहको परिसूचक यस दिन १.४२ प्रतिशत बढेको छ भने अन्य उपसमूहको परिसूचक १.१७ प्रतिशत बढेको छ । त्यसैगरी आज लघुवित्त उपसमूहको परिसूचक सर्वाधिक १.१९ प्रतिशत घटेको छ ।