पर्सा– पर्साको वीरगञ्जबाट प्रहरीले ६५ किलोग्राम लागुऔषध गाँजासहित एक जनालाई पक्राउ गरेको छ ।
प्रहरीका अनुसार पक्राउ पर्नेमा मकवानपुर, मनहरी गाउँपालिका–६ बस्ने ५१ वर्षीय रामकुमार मोक्तान रहेका छन् ।
जिल्ला प्रहरी कार्यालय पर्साका डीएसपी ओमप्रकाश खनालका अनुसार चेक जाँचका क्रममा मंगलबार साँझ वीरगञ्ज–१८ भवानीपुर सडक छेउबाट उनलाई पक्राउ गरिएको हो ।
प्रहरीले सडकछेउ रोकिराखेको बागमती प्रदेश–०१–००६ ख १८२८ नम्बरको ट्रकमा खानतलासी गर्दा ४ वटा प्याकेटमा ६५ किलो गाँजा बरामद गरेका छ ।
अहिले यो विषयमा थप अनुसन्धान भइरहेको प्रहरीले जनाएको छ ।
प्रतिक्रिया