काठमाडौँ– संसद् विघटनसम्बन्धी मुद्दामा तटस्थ राय दिन सर्वोच्च अदालत बार एसोसिएसनले एमिकस क्युरीको रुपमा दुई जना वरिष्ठ अधिवक्ताको नाम सिफारिस गरेको छ।

सर्वोच्च बारले वरिष्ठ अधिवक्ताहरू कोमलप्रकाश घिमिरे र प्रकाशबहादुर केसीलाई एमिकस क्युरीका रूपमा सिफारिस गरेको हो । मंगलबार बसेको सर्वोच्च बारको बैठकले उनीहरूलाई एमिकस क्युरीमा पठाउन सिफारिस गरेको विज्ञप्तिमार्फत जनाएको छ ।

यसअघि सर्वोच्च अदालतले एमिकस क्युरीका रुपमा सर्वोच्च बार र नेपाल बार एसोसिएसनका तर्फबाट दुई दुई जना मगाउने निर्णय गरेको थियो। नेपाल बारले भने नाम सिफारिस गरेको छैन।

प्रतिनिधि सभा विघटनको मुद्दामा एमिकस क्युरीका सदस्यहरूले बहस गर्न पाउने छन् । प्रतिनिधिसभा विघटनविरुद्धको मुद्दाको यही असार ९ गतेदेखि संवैधानिक इजलासमा सुनुवाइ हुँदैछ। सर्वोच्चले नेपाल बार र सर्वोच्चबाट २/२ जनाको नाम मागेको थियो ।

गत जेठ ८ गते संसद विघटन भएपछि त्यसविरुद्ध परेको मुद्दा सर्वोच्चमा विचाराधीन छ । यही मुद्दामा सुनुवाइ गर्दै संवैधानिक इजलासले एमिकस क्युरी मगाएको थियो ।

हेर्नुहोस् सिफारिस पत्र