सुर्खेत– नेकपा (एमाले) कर्णाली प्रदेश संसदीय दलको बैठकमा पुनः बहाली भएका प्रदेशसभाका तीन सदस्य अनुपस्थित भएका छन् । अनुपस्थित हुनेमा अम्मरबहादुर थापा, कुर्मराज शाही र नन्दसिंह बुढा हुन् ।

पार्टीको निर्देशन अवज्ञा गरी मुख्यमन्त्री महेन्द्रबहादुर शाहीलाई विश्वासको मत दिने चार जना सांसदमध्ये प्रकाश ज्वाला भने मंगलबारको संसदीय दलको बैठकमा सहभागी भएका छन् ।

प्रदेशसभाको आजको बैठकमा प्रदेश सरकारको नीति तथा कार्यक्रम निर्णयार्थ पेश गरिने र बजेट सार्वजानिक गर्ने कार्यसूची छ ।

आज बिहानको दलको बैठकमा उपस्थित हुन उनीहरुलाई पत्राचार गरिएको बताइएको छ । संसदीय दलका बैठकमा सहभागी हुन एमालेले आमन्त्रण गरे पनि तीन सदस्य अनुपस्थित भएको भूमि व्यवस्था, कृषि तथा सहकारीमन्त्री कुर्मराज शाहीले जानकारी दिए ।