दोहा- एक नेपाली महिलाको शव आर्थिक सहयोग संकलन गरेर कुवेतबाट  स्वदेश पठाइएको छ ।

झापा घर भई कुवेतमा ज्यान गुमाएकी मुना राईको शव पठाउन आर्थिक संकलन गरिएको हो । झापाली समाज कुवेतले शव पठाउन लाग्ने शुल्क ३८५ केडी (नेरु करिब १ लाख ४७ हजार) सहयोग संकलन गरी त्यहाँस्थित नेपाली दूतवासलाई बुझाएपछि शव नेपाल पठाइएको समाजका उपाध्यक्ष राजु धिमालले जानकारी दिए ।

उपाध्यक्ष धिमालको पहलमा २७० केडी, गैरआवासीय नेपाली संघ कुवेतबाट ४९ केडी, तुलसी लिम्बूको पहलमा २५ केडी लगायत अन्य व्यक्तिहरुको पहलमा ४१ केडीसहित ३८५ केडी दूतावासलाई बुझाइएको थियो ।

आर्थिक अभावमा शव अलपत्र परेपछि सहयोग रकम संकलन गरिएको थियो । मृतक राई भारतको बाटो हुँदै गैरकानूनीरूपमा कुवेत पुगेकी थिइन् ।