काठमाडौँ – डीएसपी सन्तोष खड्का कारवाहीमा परेसँगै रिक्त महानगरीय प्रहरी वृत्त सोह्रखुट्टेको जिम्मेवारी डीएसपी प्रमेश विष्टलाई दिइएको छ ।
अनियमितताको आरोपममा डीएसपी खड्का कारवाहीमा परेपछि उनको ठाउँमा डीएसपी विष्टलाई जिम्मेवारी दिइएको महानगरीय प्रहरी परिसर काठमाडौँका प्रवक्ता एसपी रमेश बस्नेतले बताए ।
डीएसपी विष्ट महानगरीय प्रहरी परिसर काठमाडौँमा कार्यरत थिए ।
खड्कामाथि कार्यशैली राम्रो नभएको, जनतासँग राम्रो व्यवहार नगरेको र आर्थिक अनियमिततामा मुछिएको आरोप लागेको छ ।
डीएसपी खड्काको गत वैशाखमा सोह्रखुट्टेमा सरुवा भएको हो । महानगरीय प्रहरी कार्यालयले खड्काका विषयमा निष्पक्ष अनुसन्धान हुने जनाएको छ ।
प्रतिक्रिया