काठमाडौं– श्रीमतीको हत्या गरेर २४ घन्टासम्म शव लुकाएर बसेका एक व्यक्तिलाई प्रहरीले पक्राउ गरेको छ ।

पक्राउ पर्नेमा काभ्रेको भुम्लु गाउँपालिका ६ कोलाती घर भइ काठमाडौंको बागबजार डेरा गरी बस्ने २७ वर्षीय पुस्कर भन्ने राजकुमार पहरी छन् ।

राजकुमारले २३ वर्षीया श्रीमती निर्मला नेपालको हत्या गरी २४ घन्टासम्म शव लुकाएर बसेका थिए ।

राजकुमार र निर्मलाबीच आइतबार राति भनाभन भएको थियो । भनाभनकै क्रममा राजकुमारले निर्मलाको टाउको र मुखमा प्रहरी पलङ्गमा लडाएका थिए । पलङमा घोप्टो परेर लडेकी निर्मला सोमबार विहान ९ बजेसम्म पनि नउठेपछि राजकुमारले परिवारका सदस्यलाई फोन गरेर घटनाबारे जानकारी दिएका थिए ।

आफन्तले प्रहरीलाई खबर गरेपछि राजकुमार घटना भएको २४ घन्टापछि नियन्त्रणमा आएका हुन् ।

महानगरीय अपराध महाशाखाबाट खटिएको टोलीले राजकुमारलाई उनको कोठाबाटै नियन्त्रणमा लिएको हो । प्रारम्भिक बयानका क्रममा राजकुमारले श्रीमती निर्मलाको हत्या आफैंले गरेको भनि स्वीकार गरेको अपराध महाशाखाका एसपी सोमेन्द्र सिंह राठौरले जानकारी दिए ।