काठमाडौं– नेपालमा ३२ मेगापिक्सल सेल्फी क्यामेरा भएको फोन रिलिज भएको छ । चिनियाँ स्मार्टफोन निर्माता कम्पनी शिओमीले ‘रेडमी वाई–३’ सार्वजनिक गरेको हो ।

फोनमा ३२ मेगापिक्सलको सेल्फी क्यामेरा छ भने भने १२ मेगापिक्सल तथा २ मेगापिक्सलका दुई रियर क्यामेरा छन् । यो फोनमा ४००० एमएएचको ब्याट्री जडान गरिएको छ ।

त्यस्तै एण्ड्रोइड पाई अपरेटिङ सिस्टममा चल्ने यो फोनमा अक्टाकोर १.८ गिगाहर्ज क्वाल्कम स्न्यापड्रेगन ६३२ प्रोसेसर उपलब्ध छ । नेपालमा यो फोन ३२ जीबी रोम र ३ जीबी ¥याम भएको स्मार्टफोनको नेपाली मूल्य १८ हजार ४ सय ९९ र तथा ६४ जीबी रोम र ४ जीबी  र्‍याम भएको स्मार्टफोनका मूल्य २१ हजार ४ सय ९९ तोकिएको छ ।

६.२६ इन्च एचडी नोच डिस्प्लेमा कर्निङ गोरिलाग्लास ५ रहेको यो फोनमा फिङ्गरप्रिन्ट सेन्सर तथा ३६० डिग्री फेस अनलकको पनि सुविधा छ ।  चीन, भारत तथा युरोपेली मुलुकमा यसअघि नै रिलिज गरिएपनि नेपालमा भने केही ढिला गरी रिलिज गरिएको हो ।