काठमाडौँ– केही दिन यता काठमाडौं उपत्यकासहित देशका विभिन्न स्थानमा गर्मी बढेको छ । जल तथा मौसम पूर्वानुमान महाशाखाका अनुसार आज (आइतबार) काठमाडौँको तापक्रम ३१ डिग्री सेल्सियस आसपास पुगेको हो ।

शनिवार हिजो ३० डिग्री थियो भने शुक्रबार २९ दशमलव ४ प्रतिशत थियो त्यस्तै विहिबार ३१ डिग्री सेल्सियस मापन गरिएको थियो । मौसमविद् मिनकुमार अर्यालका अनुसार उपत्यका सहित देशका प्राय सबैजसो ठाउँमा तापक्रम बढेको छ ।

मौसमविद् अर्यालका अनुसार केही दिनसम्म मौसम बद्ली भई पानी परेको र त्यसपछि मौसम सफा भई घाम लागेकाले जमिन तात्तिँदा बढी गर्मी महसुस भएको हो ।

पूर्वानुमान महाशाखाका अनुसार आइतबार सबैभन्दा बढी भैरहवामा ३८ डिग्री सेल्सियस तामक्रम मापन गरिएको छ । त्यस्तै नेपालगञ्ज र धनगडीमा ३७ डिग्री र जनकपुरमा ३६ डिग्री मापन गरिएको छ ।

मौसम सफा भएर जमिन तात्तिएकाले रातको समयमा पनि गर्मी महसुस हुन थालेको छ । एक-दुई दिन मौसम यस्तै रहने मौसम पूर्वानुमान महाशाखाले अनुमान गरेको छ ।

आउँदो मंगलबारदेखि भने प्रि मनसुन थप सक्रिय भएर मुलुकका विभिन्न ठाउँमा पानी पर्ने पूर्वानुमान गरिएको छ ।

कहाँ कति ?