काठमाडौँ – निषेधाज्ञाको समयमा मादक पदार्थ सेवन गरी सरकारी मोटरसाइकलमा सवार अधिकृतसहित अर्का एक जनालाई प्रहरीले नियन्त्रणमा लिएको छ ।

मापसे गरी मोटरसाइकल चलाएको पाइएपछि महानगरीय ट्राफिक प्रहरी प्रभाग कंलकीले कृषी तथा पशुपति विकास मन्त्रालय अन्तर्गत विकेन्द्रित आयोजना सहयोग इकाइमा कार्यरत शाखा अधिकृत हुमनाथ अर्याल र अर्का खगेश्वर पाठकलाई नियन्त्रणमा लिएको हो ।

घटना गत विहीबारको हो । प्रभागका प्रहरी निरीक्षक शंकर खड्काका अनुसार बा २ ब ५४२५ नम्बरको सरकारी मोटरसाइकल चालक खगेश्वर पाठक र शाखा अधिकृत हुमनाथ अर्याललाई नियन्त्रणमा लिई आवश्यक कारवाही गरेर छाडिएको छ।

कानून विपरीत हिड्ने जो कोहीलाई कारबाही गरिने प्रहरी निरीक्षक खड्काले बताए ।