काठमाडौँ- देशभर हाल १ हजार ८२६ जना कोरोना संक्रमितको आईसीयू र भेन्टिलेटरमा उपचार भइरहेको स्वास्थ्य तथा जनसंख्या मन्त्रालयले जानकारी दिएको छ ।

१ हजार ४२२ आईसीयूमा र ४०४ जना संक्रमित भेन्टिलेटरमा उपचाररत रहेको मन्त्रालयको तथ्यांकमा उल्लेख छ ।

मन्त्रालयको तथ्यांक अनुसार प्रदेश १ मा २१२ जना आईसीयूमा र ५२ जना भेन्टिलेटरमा, प्रदेश २ मा ११२ जना आईसीयूमा र २७ जना भेन्टिलेटरमा छन्। बागमती प्रदेशमा ७१६ जना आईसीयू र २५२ जना भेन्टिलेटरमा छन्।

गण्डकी प्रदेशमा १४४ जना आईसीयूमा र ३३ जना संक्रमितको भेन्टिलेटरमा उपचार भइरहेको मन्त्रालयले जनाएको छ ।

यसैगरी लुम्बिनी प्रदेशमा १५८ जना आईसीयूमा र २४ जनाको भेन्टिलेटरमा उपचार भइरहेको छ । यसैगरी कर्णालीमा ४८ जना आईसीयूमा र ५ जना भेन्टिलेटरमा उपचाररत छन् भने सुदूरपश्चिम प्रदेशमा ३२ जना आईसीयूमा र ११ जनाको भेन्टिलेटरमा रहेको मन्त्रालयले जनाएको छ।