लसएञ्जल्स– हलिउड अभिनेत्री एमिली ब्लण्ट आफ्नो पहिलो चुम्बनलाई ‘खतरनाक’ मान्छिन् । किनकी उनले पहिलो चुम्बन गरेपछि मुख धोएकी थिइन् ।

आइएएनएस समाचार एजेन्सीअनुसार साथीहरुसँग स्पिन द बोतल खेल खेलिरहेकी थिइन् । त्यो बोतल एशले अगाडि रोकियो ।

उनले एशलेलाई ९० दशकको कर्टेन्ड हेयरस्टाइलसँगै एक लामो र सुन्दर युवकको रुपमा चित्रण गरेकी छन् । ‘म बोतल घुमाइरहेको थिएँ । त्यो बोतल एशले अगाडि रोकियो र मैले ‘हे भगवान, यो हो’ भनेर सोचें । मैले फ्रेञ्च चुम्बनको अवधारणा बारे सुनेकी थिएँ । तर मैले यो सुखद या राम्रो होला ? भन्ने सोचेको थिएँ । तर त्यस्तो होइनरहेछ,’ जिमी किमेल लाइव शोमा उनले भनेकी छन् ।

उनले पहिलो चुम्बन आफ्ना लागि खतरनाक भएको उल्लेख गरेकी छन् । एशलेलाई चुम्बन गरेपछि आफूले लुकेर मुख पुछेको खुलाएकी छन् ।

उनले एशलेसँग आफ्नो चुम्बन सही नभए पनि पति जोन क्रान्सिस्कीमा मात्र आफ्नो चुम्बन सही र प्रेमयुक्त पाउने गरेको खुलाएकी छन् ।