आवश्यक सामग्री :

८०० ग्राम चिकेन, २०० ग्राम दही, २५ ग्राम काजुको पेष्ट, २ चम्चा तेल, १ चम्चा अदुवा लसुनको पेष्ट, आधा आधा चम्चा जिरा, धनियाँ, खुर्सानी, बेसारको धुलो, तेजपात, ल्वाङ, सुकुमेल दालचिनी, इलाइची ३/४ टुक्रा, १ चम्चा क्रिम, एक चौथाई चम्चा गरम मसला, एक चौथाई सौफ पाउडर, इच्छानुसार नुन अजिनोमोटो २ चम्चा, भेनेगर अथवा कागतीको रस ।

बनाउने तरिका :

मासुलाई सफा गरेर सानोसानो पिसमा काट्नु, तातो पानीमा नुन भेनेगर राखी १५ मिनेट जति उमाल्नु र राम्रोसँग चिसो पानीले पुनः सफा गरी राख्नु र काजु, दही पनि फिटी राख्नु । तातो तेलमा ल्वाङ, सुकुमेल, दालचिनी, इलाइची, तेजपात, बेसार, जिरा, धनियाँ, खुर्सानी, अदुवा, लसुन आदि राखी १० सेकेण्ड जति फ्राइ गर्नु । अब फिटेको दही, काजु, नुन राखी राम्रोसँग तेल नछोडिन्जेलसम्म चलाउनु । त्यसपछि सफा गरेको मासु राखी सानो आँचमा १०–१५ मिनेट जति छोपेर पकाउनु । पाकेपछि क्रिम राखी खान दिनु ।

साभार : ‘सजिलो कुकिङ’ पुस्तकबाट