काभ्रे– कोरोना भाइरस संक्रमण रोकथाम र नियन्त्रण गर्न जारी निषेधाज्ञाले बजार पसल बन्द छन् । बजार पसल बन्दा हुँदा बजारमै आश्रित भएका पशुपक्षी भने भोकै परेका छन् ।

यसरी भोकै परेका काभ्रेको बनेपा बजारका पशुपक्षीलाई अभियन्ता रोहित श्रेष्ठले खानेकुरा खुवाउँदै आएका छन् ।

अघिल्लो पटक पनि यो अभियान चलाएका श्रेष्ठले अहिले दैनिक ३५० कुकुरलाई दैनिक एक समयका लागि खाना तथा बिरामीको उपचार गर्दै आएका छन् ।

आफ्नो निजी खर्चमा पशुपक्षीलाई भोकै नराख्ने अभियान चलाएका श्रेष्ठले यो निषेधाज्ञा अवधिभर यो अभियान चलाउने बताएका छन् ।

उनको यो अभियानलाई उनकै साथीहरु शरराज उप्रेती , जलजला सुवाल, शृजन मानन्धर , शयल राजबाहक र सुशन प्रधानले साथ दिँदै आएका छन् ।