काठमाडौँ – नेकपा (एमाले) का पूर्व नेता भीम रावलले वीरगञ्जमा नागरिकता लिन भारतीयहरूको भीड लागेको भन्दै गरेको ट्वीटको सर्वत्र आलोचना भएपछि हटाएका छन् । उक्त ट्वीट डिलिट भएलगत्तै प्रधानमन्त्री केपी शर्मा ओलीका प्रेस सल्लाहकार सूर्य थापाले रावलको दुनियाँ भड्काउने कोसिस धेरै टिक्न नपाएको भन्दै कटाक्ष गरेका छन् ।

नाका बन्द रहेको अवस्थामा कसरी भारतीय नेपाल आए ? स्थानीय प्रशासन समेत बन्द रहेको अवस्थामा यस्तो अफवाह फैलाउने भन्दै प्रतिप्रश्न ओईरिएपछि र सामाजिक सञ्जालमा भ्रम फिजाउने काम गरेको भन्दै चर्को आलोचना भएपछि नेता रावलले उक्त ट्वीट हटाएर अर्को एक ट्वीट गरेका थिए ।

यसपछि प्रधानमन्त्री ओलीका प्रेस सल्लाहकार थापाले रावलको झूठ प्रचारबाजी धेरै टिक्न नपाएको बताएका हुन् ।

उनले लेखेका छन्, ‘भीम रावल पिएचडीको झूठ प्रचारबाजी र दुनियाँ भड्काउने कोसिस धेरै टिक्न पाएन !
यिनले राष्ट्रवादी कहलिन कतिसम्म गर्छन् भन्ने स्पष्ट नै छ । अझ सरकारले जवाफ देओस भन्ने यिनले कहिले लेखेका रहेछन् ? नक्कली अभिनय र भ्रमको पर्दा यसरी स्वत: च्यातिँदै छ । गोयवल्स सिद्धान्तको अभ्यास !’

रावलले डिलिट गरेको ट्वीट

…………………………………………………………………………………………………………………………………………………………………………………………………….

पछिल्लो ट्वीट

मैले विरगंजमा नागरिकता लिनेको भीड देखियो भन्ने समाचार आयो सरकारले जनतालाई जवाफ देओस् भनेर सोध्नु कुनै गलत कुरा होइन ।सरकारले प्रष्ट पारे भइहाल्यो। तर उक्त समाचार पुरानो भनी ध्यान आकर्षित गराउनु हुने सबैलाई धन्यवाद दिदै मेरो त्यो ट्वीट हटाउने जानकारी गराउँछु।

— Dr. Bhim Rawal (@BhimRawal179) May 25, 2021

सूर्य थापाको ट्वीट

भीम रावल पिएचडीकाे झूठ प्रचारबाजी र दुनियाँ भड्काउने काेसिस धेरै टिक्न पाएन !
यिनले राष्ट्रवादी कहलिन कतिसम्म गर्छन् भन्ने स्पष्ट नै छ । अझ सरकारले जवाफ देओस भन्ने यिनले कहिले लेखेका रहेछन् ? नक्कली अभिनय र भ्रमकाे पर्दा यसरी स्वत: च्यातिदै छ।
गाेयवल्स सिद्धान्तकाे अभ्यास ! pic.twitter.com/xckRkuY7gC

— Surya Thapa (@ThapajiSurya) May 25, 2021