काठमाडौँ- फ्रेन्च लिग वन फुटबलका यो सिजनका खेल सम्पन्न भएका छन् ।

सिजनको आफ्नो अन्तिम खेलमा पेरिस सेन्ट जर्मेन (पीएसजी) ले जित निकालेको छ । आइतबार राति भएको खेलमा पीएसजीले ब्रेस्टलाई २-० गोल अन्तरले पराजित गरेको हो ।

पीएसजीलाई जित दिलाउन केलियन एमबाप्पेले एक गोल गरे । एक गोल आत्मघाती उपहार पाएको थियो ।

१९औँ मिनेटमा पीएसजीका नेयमारले पेनाल्टीमा गोल गर्न सकेनन् । ३७औँ मिनेटमा ब्रेस्टका रोमेनले आत्मघाती गोल गरेपछि पीएसजी १-० ले अघि रह्यो ।

७१औँ मिनेटमा एमबाप्पेले गोल गर्दै पीएसजीलाई २-० को जित दिलाए । अन्तिम खेलमा जित निकाले पनि पीएसजी उपाधि रक्षा गर्न भने असफल भएको छ ।

पीएसजीलाई एक अंकले पछि पार्दै लिलले उपाधि जित्यो ।