काठमाडौं– प्रधानमन्त्री (पीएम) कप क्रिकेट प्रतियोगिता जेठ १ गतेदेखि शुरु हुने भएको छ । ५० ओभरमा खेलाइने प्रतियोगिता कीर्तिपुरस्थित त्रिवि क्रिकेट मैदानमा जेठ २४ गतेसम्म चल्ने छ ।
राष्ट्रिय खेलकुद परिषदको आयोजना तथा नेपालय इन्टरनेशनलको सहकार्यमा सञ्चालन हुने प्रतियोगितामा १० टिम सहभागी हुने जनाइएको छ । जसमध्ये ७ टिम प्रदेशअन्तर्गतका हुनेछन् भने ३ ओटा विभागीय टिम सहभागी हुनेछन् ।
प्रतियोगिताको विजेता टिमका २० लाख र उपविजेताले १० लाख रुपैयाँ पुरस्कार तोकिएको छ ।
प्रतियोगिताका उत्कृष्ट खेलाडीले १ थान मोटरसाइकल तथा उत्कृष्ट ब्याट्सम्यान र बलरले जनही ५० हजार रुपैयाँ पुरस्कार पाउनेछन् ।
प्रतिक्रिया