लसएञ्जल्स– अमेरिकी गायिका रिहान्ना केही समय यतादेखि अमेरिकी र्‍यापर आसाप रकीसँग सम्बन्धमा रहेको खुलेको छ । हालैको एक अन्तरवार्तामा र्‍यापर रकीले रिहानालाई ‘आफ्नो जीवनको प्रेम’ रहेको उल्लेख गरेपछि उनीहरु प्रेममा रहेको खुलेको हो ।

बीबीसीका अनुसार सन् २०१३ मा आसापले रिहान्नाको ‘डायमण्ड वल्र्ड टुर’मा समर्थन गरेपछि उनीहरु डेटिङमा रहेको चर्चा चलेको थियो ।

‘उनी सायद अरुको जस्तो करोडौंको पनि हुनसक्छिन् । मलाई लाग्छ, जब तपाईंलाई थाहा हुन्छ, तपाईंलाई थाहा छ’, उनले भनेका छन्, ‘उनी एक हुन् ।’

यो जोडी सन् २०१३मा फेसन कलाका लागि रकीले बनाएको भिडियोमा फिचर्ड छन् । उनीहरु आधिकारिक रुपमा प्रेममा परेपछि पापराजी तथा फोटोग्राफरबाट बचेर हिँडिरहेका थिए ।

सन् २०१९ मा स्टकहोमको झगडामा संलग्न रहेको आरोपमा वास्तविक नाम रकिम मेयर्स रहेका रकीलाई दुई वर्षसम्म निलम्बन गरिएको थियो ।