काठमाडौँ– वरिष्ठ ग्यास्ट्रोइन्टेरोलोजिस्ट प्रा. डा. आईएल (ईश्वरलाल) आचार्यको निधन भएको छ ।
कोरोना भाइरस संक्रमित डा. आचार्यको उपचारका क्रममा आज निधन भएको हो । उनी सानेपाको स्टार अस्पतालमा उपचाररत थिए ।
कोरोना संक्रमणपछि गएको वैशाख १८ गते उनी अस्पताल भर्ना भएका उनको आज निधन भएको हो ।
वैशाख २९ गते उनको कोभिड–१९ रिपोर्ट नेगेटिभ आएको थियो । तर हिजो बेलुका स्वास्थ्य अवस्था बिग्रिएको अस्पतालले जनाएको छ ।
अस्पतालका अनुसार उपचारमा जाँदा उनको फोक्सोमा ७५ प्रतिशत निमोनिया भइसकेको थियो । आचार्यलाई नेपालको ग्यास्ट्रोइन्टेरोजोली क्षेत्रका पिता भनेर चिनिन्छ ।
प्रतिक्रिया