काठमाडौँ– अक्सिजन अभावले वीर अस्पतालको नयाँ भवन सञ्चालनमा समस्या भएको छ ।

सरकारको निर्देशन अनुसार नयाँ भवनबाट सेवा विस्तारको योजना बनाइए पनि अक्सिजन अभावले समस्या भएको वीर अस्पतालले जनाएको छ ।

सरकारले अस्पतालको नयाँ सर्जिकल भवनमा कोभिड–१९ का संक्रमितको उपचारका लागि सञ्चालन गर्ने निर्णय गरेको छ ।

भवनमा बिरामी राख्न सबै तयारी पूरा गरेको बताउँदै अस्पतालकी निर्देशक डा. शान्ता सापकोटाले अक्सिजन नभएपछि सञ्चालन गर्न नसकेको बताइन ।

५ सय शय्याको उक्त भवनमा अहिले ३ सय शय्यासम्म सञ्चालन गर्ने योजना छ । तर अक्सिजन नहुँदा योजना अनुसार काम नभएको सापकोटाले बताइन ।

उक्त भवनमा बिरामी राखेर उपचार गर्न कम्तीमा ६ सय सिलिण्डर अक्सिजन आवश्यक रहेको उनको भनाइ छ।