मुम्बई – बलिउड नायिका वाणी कपूरलाई हालै एक डरलाग्दो अवस्थाबाट गुज्रनुप–यो । भारतीय मिडियाले यी नायिकालाई एक सन्की फ्यानले बाइकमा पिछा गरेर हैरान पारेको समाचार लेखेका छन् ।

समाचारका अनुसार वाणीलाई ती फ्यानले फलो गरेपछि उनी प्रहरी चौकी पुग्नुपर्ने अवस्था आयो । पछि यी नायिका सुरक्षित घर पुग्न सफल पभि भइन् ।

वाणी आफ्नो कारमा थिइन् । जब एक फ्यानले उनलाई बाइकबाट पिछा गर्न शुरु गरे, त्यसपछि वाणीले ड्राइभरलाई कारको स्पिड बढाउन भनिन् । केही समय त यो सम्भव भयो तर ती फ्यान फेरि नजिक आए ।

ती सन्की फ्यानले कुनै पनि हालतमा वाणीलाई भेटेर कुरा गर्न चाहन्थे । कार वर्सोवा इलाका पुगेको बेला उनी फ्यान घर नुपुगुन् भनेर त्यहाँको प्रहरी चौकी पुगिन् र उजुरी दिइन् ।

ती फ्यानको नाम समीर खान बताइएको छ । तर, ती फ्यानलाई प्रहरीले अझै कुनै कारवाही गरेको छैन ।