मुम्बई– अभिनेता ऋषि कपूरको निधन पछि उनकी पत्नी नीतू कपूर एक वर्षदेखि एक्लै छिन् । पति ऋषिको निधन पछि उनी न त छोरी रिद्धिमासँग बसेकी छिन्, न त छोरा रणवीर कपूरका साथ नै ।

दैनिक भास्करका अनुसार नीतूले छोरी र छोरासँग नबस्नुको कारण खुलाएकी छन् । उनले आफूलाई गोपनियता मनपर्ने भएकाले ऋषिको निधनपछि छोराछोरीसँग नबसेको जनाएकी छन् ।

‘म आफ्नो सन्तानलाई उनीहरुकै जीवनमा व्यस्त हुन दिन्छु । म उनीहरुलाई मेरो मुटुमा रहनु, मेरो शीरमा नचढ्नु भन्छु । महामारीका समयमा जब रिद्धिमा मसँग एक वर्ष बसिन्, त्यो बेला म निकै तनावमा थिएँ । किनकी उनी फर्किइनन् । म बेचनै थिएँ, म ‘उसलाई तिमी जाऊँ, भरत एक्लै छ’ भन्थें । म एक्लै जीउन चाहन्थें’, उनले भनेकी छन् ।

नीतूका अनुसार रिद्धिमा पढ्नका लागि लण्डन गएपछि उनी कैयौं दिनसम्म रोएकी थिइन् । उनलाई कोही भेट्न आउदा पनि उनी रुन्थिन् ।

नीतू आफ्नो सन्तानलाई जीवनमा आफैं अघि बढ्न प्रेरित गर्छिन् । त्यहीकारण केही दिनका लागि छोराछोरी भेटन् आए पनि उनी छोराछोरीलाई घर फर्किन आग्रह गरिहाल्छिन् ।

नीतूले ऋषिको निधन भएपछि फिल्ममा पुनः काम सुरु गरेकी छन् । उनी फिल्म ‘जुग जुग जियो’मा देखिँदैछिन् । फिल्ममा अनिल कपूर, किआरा आडवाणी, वरुण धवन पनि छन् ।