सर्लाही– प्रहरीले सवारी ज्यान मुद्दामा फरार रहेका सर्लाहीको बरहथवा नगरपालिका वडा नम्बर १३ का वडाध्यक्ष जयनारायण यादवलाई पक्राउ गरेको छ ।

जिल्ला प्रहरी कार्यालय सर्लाहीका डीएसपी मदन कुँवरका अनुसार सवारी ज्यान मुद्दामा फरार रहेका उनलाई बिहीबार पक्राउ गरिएको हो ।

डीएसपी कुँवरका अनुसार गत शनिबार साँझ साढे ६ बजे बरहथवा नगरपालिका वडा नम्बर ३ भगवतीपुरस्थित भित्री सडकखण्डमा भगवतीपुरबाट उनी मोटरसाइकलमा सहिदपुर जाँदै गर्दा ४ वर्षीय बालक आदित्य महतोलाई ठक्कर दिएका थिए। ठक्करबाट गम्भीर घाइते भएका बालकको उपचारका क्रममा मृत्यु भएको थियो।

घटनापछि वडाध्यक्ष यादव भने फरार भएका थिए। फरार भएका वडाध्यक्ष यादवलाई प्रहरीले खोजतलास गरी थप अनुसन्धान अघि बढाएको छ।