नीतिहरुका ज्ञाता आचार्य चाणक्य, आफ्नो चाणक्य नीतिको पहिलो अध्यायमा, नीति शास्त्रको माध्यमले मानिसले कर्तव्य, पाप–पुण्य, धर्म–अधर्मका बारेमा जानकारी पाउन् र जीवन उत्तम बनाउन सकुन् भनेर लेखेका छन् ।

त्यसैले पनि चाणक्यका ती नीति आज पनि उत्तिकै प्रासंगिक छन् जति संयौं बर्ष पहिले थिए ।

चाणक्य नीतिको पहिलो अध्यायको १५ औं श्लोकमा आचार्य चाणक्यले भनेका छन्,
नखीनां च नदीनां च श्रृंगीणां शस्त्रपाणिनाम् ।
विश्वासौ नैव कर्तव्यः स्त्रीषु राजकुलेषु च ।।

अर्थात, ठुला ठुला नङ भएको प्राणी, तेज बग्दो नदी, सिङ भएको प्राणी, शस्त्रधारी मनुष्य, राज परिवारका मानिसको कहिल्यै भरोशा गर्नु हुदैँन । उनीहरुलाई विश्वास वा भरोशा गर्ने मानिस अप्ठेरोमा पर्न सक्छ ।

उनको यो श्लोकको अर्थ कसैलाई पनि आँखा चिम्लेर विश्वास गर्न नहुने र कसैमा भरोशा गर्नु पूर्व आफ्नो बुद्धि र विवेकको प्रयोग गर्नु पर्छ भन्ने छ ।