काठमाडौँ – मकवानपुरको भीमफेदी गाउँपालिका–७ स्थित भालेडाँडा जंगलमा आफैंले बोकेको भरुवा बन्दुक पड्किदा बाख्रा चराउन गएका एकजना घाइते भएका छन् ।
प्रहरीका अनुसार भीमफेदीको भाले डाँडा सामुदायिक वनमा बाख्रा चराउन गएका गगनबहादुर सिञ्जाली आफ्नै बन्दुकको गोली लागि घाइते भएका हुन् ।
जिल्ला प्रहरी कार्यालय मकवानपुरका प्रवक्ता डीएसपी जयश्वर रिमालका अनुसार बन्दुक बोकेर जंगल गएका सिञ्जाली असावधानीपूर्वक बन्दुक पड्किँदा घाइते भएका हुन् ।
उनलाई आफन्तले हेटौंडास्थित सन्चो अस्पतालमा उपचार गराउन लगेपछि प्रहरीले घटना थाहा पाएको थियो । उनको कम्मरको दायाँ भागमा चोट लागेको छ ।
प्रतिक्रिया