काठमाडौँ– ८२ लाख ५० हजार नगदसहित प्रहरीले पर्साको वीरगञ्ज महानगरपालिका – ३ आदर्शनगरबाट हुण्डी कारोबारमा संलग्न रहेको आरोपमा चार जनालाई पक्राउ गरेको छ ।

प्रहरीका अनुसार पक्राउ पर्नेमा बाराका  कलामुद्दिन अन्सारी, भारत विहार घर भई वीरगञ्ज बस्ने  विकास कुमार, गुड्डु कुमार र साहील गुप्ता छन् ।

जिल्ला प्रहरी कार्यालय पर्साका प्रवक्ता डीएसपी ओम प्रकाश खनालका अनुसार हुण्डी कारोबार भइरहेको सूचनाका आधारमा खोजी गर्दा उनीहरुलाई नगदसहित पक्राउ गरिएको हो ।

प्रहरीले उनिहरुका साथबाट ना ८ प ४८९७ नम्बरको मोटरसाइकल समेत बरामद् गरेको छ । उनीहरुमाथि बैंक तथा वित्तीय संस्था सम्बन्धी ऐन २०७३ बिरुद्धको कसूरमा अनुसन्धान अघि बढाइएको प्रहरीले जनाएको छ ।