लसएञ्जल्स– हलिउड फिल्म ‘वण्डर वुमन’ अभिनेत्री गल डोटमाथि फिल्म ‘जस्टिस लिग’का निर्देशक जोस ह्वेडनले दुर्व्यवहार गरेको खुलासा भएको छ । सन् २०१७ मा रिलिज सुपरहिरो फिल्म ‘जस्टिस लिग’का निर्देशक जोसले गललाई उनको करियर बिगार्ने धम्की दिएका थिए ।

आजतकका अनुसार गलले आफैं यो कुराको खुलासा गरेकी हुन् । फिल्म ‘जस्टिस लिग’को निर्देशन ज्याक स्नाइडरले गरिरहेका थिए । तर उनको परिवारमा भएको एक दुःखद घटनाका कारण उनले बीचमै फिल्म छोडेका थिए ।

त्यसपछि यो फिल्मलाई पुरा गर्ने जिम्मेवारी जोसको काँधमा आइलाग्यो । फिल्ममा काम गरिरहँदा जोसको सोच र आफू प्रतिको दुर्व्यवहारका कारण गल निरास बनेकी थिइन् ।

‘जस्टिस लिग’को रि–सुटको समयमा गलले जोसको सोचाइमा आपत्ति जनाएर आफ्नो सिन दिन अस्वीकार गरेकी थिइन् । जसको बदलामा जोसले गललाई उनको करियर बर्बाद बनाउने धम्की दिएका थिए । उनले फिल्म ‘वण्डर वुमन’को निर्देशक पेटी जेकिन्सलाई बद्नाम गर्ने धम्की पनि दिएका थिए ।

फिल्म रिलिजको बेला जोसले गलमाथि दुर्व्यवहार गरेको चर्चा चले पनि त्यो समयमा गलले केही बोलेकी थिइनन् । ‘उसले मेरो करियर खराब गर्ने धम्की दिएको थियो । उसले मैले केही गरेमा करियर खराब बनाउने बनेको थियो । त्यसपछि मैले आफैं यो कुरालाई व्यवस्थापन गरें’, उनले भनेकी छन् ।