सोलुखुम्बु– प्रहरीले वन्यजन्तुको चोरी शिकारीमा संलग्न रहेको आरोपमा एक जनालाई पक्राउ गरेको छ ।

सोलुखुम्बु जिल्ला सोताङ गाऊँपालिका पावैस्थित सामुदायिक वनमा बन्दुक पड्केको आवाज सुन्नासाथ खटिएको प्रहरीले तीन थान भरुवा बन्दुक लगायतका सामग्रीसहित एक जनालाई पक्राउ गरेको हो ।

पक्राउ पर्नेमा सोताङ गाऊँपालिका वडा नम्बर ०१ बस्ने वर्ष ३४ को दिल बहादुर भन्ने गंगा बहादुर गिरी रहेको पक्राउ गरेको जनाएको छ ।

घटनास्थलबाट भरुवा बन्दुक थान ३, उक्त भरुवा बन्दुकमा प्रयोग हुने बारुद अन्दाजी ८०० ग्राम, फलामको टुक्रा १ के.जी., टर्चलाइटमा प्रयोग हुने ब्याट्री थान ७, लाइटर थान १, सलाई ७ वटा, व्लेट ५ वटा, केप थान १, मोवाईल फोन थान ४ र बिजुलीको तार १० मिटरलगायतका सामान बरामद गरेको जिल्ला प्रहरी कार्यालयका  प्रहरी नायव उपरीक्षक कवित कटवालले जानकारी दिए ।

प्रहरीलाई देख्नासाथ भाग्दै गरेका गिरीलाई पक्राउ गरिए पनि घटनामा संलग्न रही हाल फरार रहेका अन्य व्यक्तिहरुको खोजी जारी रहेको उनले जाकारी दिए ।