रामेछाप— रामेछाप जिल्लाको उमाकुण्ड गाउँपालिका–२ बाम्तीमा आगलागीमा परी घरभित्रै जलेर एक दम्पतीको मृत्यु भएको छ ।
जिल्ला प्रहरी कार्यालय रामेछापका प्रहरी निरीक्षक श्रीशंकर श्रेष्ठका अनुसार सोमबार बिहान भएको आगलागीमा परी ७८ वर्षीय धनबहादुर कार्की र उनकी ६८ वर्षीया श्रीमती सीता कार्कीको मृत्यु भएको हो ।
प्रहरीका अनुसार आगो लागेको थाहा पाउनेबित्तिकै त्यही घरमा सुतेका माइलो छोरा मनोहर कार्की झ्यालको ग्रिल फोरेर हाम फालेका थिए ।
मनोहर र नजिकै घर भएका ज्वाइँ मिलेर गर्भवती श्रीमती र ३ वर्षकी छोरीलाई निकालेका थिए । तर अर्को कोठातर्फ रहेका बाबुआमालाई भने उनीहरूले निकाल्न सकेनन् ।
प्रतिक्रिया