रुपन्देही– नेकपा एमालेको सूर्य चिन्ह लिएर २०७४ सालको प्रदेश सभा सदस्य निर्वाचनमा निर्वाचित दुई जना सांसदले मुख्यमन्त्री शंकर पोखरेलको साथ छोडेका छन् ।

शंकर पोखरेल मुख्यमन्त्री नियुक्त भए लगत्तै धर्मबहादुर लाल श्रीवास्ताव र अजय शाहीले एमालेको साथ छाडेका हुन् । एमालेकै सांसद दुर्गानारायण पाण्डेले प्रदेश सभा सदस्यबाट राजीनामा दिए पनि आफूहरुले राजीनामा नदिएको अजय शाहीले बताए ।

मुख्यमन्त्री पोखरेलको साथ छोडेका दुई सांसद श्रीवास्ताव र शाही कांग्रेस-माओवादी गठबन्धनमा लागेका छन् ।

हेरौँ भिडियो

शाही हृदयेश त्रिपाठीसँगै सूर्य चिन्ह लिएर पश्चिम नवलपरासीबाट निर्वाचित भएका थिए । श्रीवास्ताव कपिलबस्तुबाट निर्वाचित हुन् । सांसद शाहीले आफूहरुले राजीनामा नदिएको भन्दै गठबन्धनलाई सघाउने निर्णय गरेको बताए ।