गरुड पुराण हिन्दू धर्मको प्रसिद्ध धार्मिक ग्रन्थ मध्ये एक हो । हिन्दू धर्मको १८ पुराण मध्ये एक गरुड पुराणमा व्यक्तिको जीवनका बारेमा उपयोगी कुराहरु उल्लेख गरिएको छ ।

गरुड पुराण भगवान विष्णुको भक्ति र ज्ञानमा आधारित छ । यस पुराणमा नीति सम्बन्धी सार तत्व, आयुर्वेद, ज्योतिष शास्त्र, सामुद्रिक शास्त्र, धर्म शास्त्र, व्रत–उपवास र जप–तप–कीर्तनका बारेमा विस्तार गरिएको छ । गरुड पुराणको आचार काण्डमा हाम्रो दैनिक दिनचर्याका बारेमा भनिएको छ :

स्नानं दानं होमं स्वाध्यायो देवतार्तनम् ।
यस्मिन् दिने न सेव्यन्ते स वृथा दिवसो नृणाम् ।।

अर्थात : यदि कुनै व्यक्ति दिनको शुभ बितोस् भनेर कामना गर्दछ भने उसले नियमित स्नान, दान, हवन, जप र देवपूजन अवश्य गर्नु पर्दछ । किन यी ५ कुरा महत्वपुर्ण छ त ?

१. स्नान : गरुड पुराणका अनुसार स्नान गर्नु हरेक व्यक्तिको दिनचर्याको सबैभन्दा अहम हिस्सा हो । त्यसैले हरेक व्यक्तिले दिनको शुरुवात स्नानद्धारा गर्नु पर्दछ । यसो गर्दा शरीर र मन दुबै पवित्र हुन्छ र दिन शुभ रहने गर्दछ ।

२. दान : कैयौं धर्म ग्रंन्थ र पुराणमा दानको महत्वका बारेमा बताइएको छ । त्यसैले हरेक व्यक्तिले श्रद्धा भावका साथ दैनिक केही न केही दान गर्नु पर्दछ । यसो गरेमा देव कृपा प्राप्त भई घरमा धनको कमी नहुने र सुख–शान्ति बनीरहने धार्मीक विश्वास गरीन्छ ।

३. होम वा दीप बाल्नु : घरमा सुख शान्ति तब मात्र सम्भव छ जब घरमा सकारात्मक उर्जाको सञ्चार हुन्छ । त्यसैले दैनिक घरमा दियो बाल्नु पर्दछ । अझ दैनिक हवन गर्न सके यो झन् शुभ मानिन्छ । सम्भव नभए दीयोसम्म भए पनि बाल्नु पर्ने धार्मीक मान्यता छ । यसो गरेमा हरेक काममा सफलता पाउन सकिने धार्मीक विश्वास गरिन्छ ।

४. जप : हरेक व्यक्तिले दैनिक केही समय जप गर्न छुट्याउनु पर्ने धार्मीक मान्यता छ । मंत्रको उच्चारण वा मन्त्र जप गर्दा मन शान्त हुने र आसपासका नकारात्मक एनर्जी दुर भएर जाने गर्दछ । साथै मन्त्रोच्चारणले शुभ फल प्राप्त गर्न सकिने धार्मीक विश्वास छ ।

५. देव पुजन : जसरी शरीरलाई शुद्ध पार्न दैनिक स्नान गर्न आवश्यक छ त्यसरी नै दैनिक श्रद्धाभावपूर्वक भगवान अर्थात देव पूजन गर्न पनि आवश्यक छ । यसो गरेमा व्यक्तिको परिवारमा ईश्वरको कृपा बनिरहने र सबै प्रकारका संकटबाट मुक्त हुन सकिने धार्मीक विश्वास गरिन्छ ।