काठमाडौँ- प्रधानमन्त्री केपी शर्मा ओलीले  सिद्धार्थ बनस्थली स्कूलका संस्थापक लक्ष्मण राजवंशीको निधनले देशमा सफल शिक्षासेवी गुमाएको बताएका छन् ।

गत वैशाख ११ गते उपचारका क्रममा नर्भिक अस्पतालमा निधन भएका राजवंशकीप्रति श्रद्धाञ्जलि व्यक्त गर्दै प्रधानमन्त्री ओलीले शोकसन्तप्त परिवारमा समवेदना पनि व्यक्त गरेका छन् ।

राजवंशीले संविधान निर्माणमा पुर्‍याएको योगदानलाई स्मरण गर्दै प्रधानमन्त्री ओलीले समवेदना सन्देशमा भनेका छन्, ‘ देशमा गुणस्तरीय शिक्षा प्रदान गर्न एवं देशभरका शिक्षा प्रदायकलाई त्यसतर्फ प्रेरित गर्न सक्रिय रहनुभएका राजवंशीले संविधानसभा सदस्यका रूपमा नेपालको संविधान निर्माणमा पुर्‍याउनु भएको योगदानको यस क्षणमा म स्मरण गरिरहेको छु ।’

राजवंशी नेपाः राष्ट्रिय पार्टीको तर्फबाट यसअघि सांसद समेत बनेका थिए । उनका एक श्रीमती, दुई छोरा र एक छोरी छन् ।