मुम्बई– कोरोना महामारीले मानिसहरुलाई आफन्तबाट टाढा बनाइरहेको छ । महिनौंदेखि मानिसहरु आफ्नो परिवारलाई भेट्न पाएका छैनन् ।

आम मानिसहरुसँगै सेलिब्रेटीहरुको जीवन पनि सर्वसाधारणको भन्दा कम छैन । दैनिक जागरणमा प्रकाशित समाचारअनुसार बलिउड अभिनेता धर्मेन्द्र र अभिनेत्री हेमा मालिनीले एक वर्षदेखि एकापसमा भेट्न सकेका छैनन् ।

धर्मेन्द्रले मुम्बईबाट टाढा रहेको आफ्नो फार्महाउसमा आफूलाई राखेका छन् । उनले कसैलाई पनि भेटेका छैनन् ।

‘यो उनको सुरक्षाका लागि हो । यो समयमा हामीसँगै बस्नुको सट्टा उनको स्वास्थ्यका बारेमा हामीले सोचिरहेका छौं । हामी निकै समस्याग्रस्त अवस्थामा गुज्रिरहेका छौं । तर हामी मजबुत हुनुपर्छ । चाहे यसका लागि कुनै ठूलो त्याग नै गर्नु नपरोस्’, हेमाले भनेकी छन् ।