काठमाडौँ– पूर्वप्रधानमन्त्री एवम् जनता समाजवादी पार्टीका संघीय परिषद् अध्यक्ष डा. बाबुराम भट्टराई पेटको न्युरो- इन्डोक्राइन ट्यूमरको शल्यक्रियाका लागि अस्पताल भर्ना भएका छन् ।

बिहीवार दिउँसो डा. भट्टराई अस्पताल भर्ना भएको उनले सामाजिक सञ्जालमार्फत जानकारी दिएका छन् ।

त्यस्तै केही हप्ता सार्वजनिक जीवनबाट टाढा रहँदा कोरोना महामारीको दोस्रो लहरसँग जुध्न र राजनीतिक गतिरोध अन्त्य गर्न सफल रहने प्रतिवद्धता व्यक्त गरेका छन् ।

पेटको न्युरो-इन्डोक्राइन ट्यूमरको शल्यक्रियाकालागि वीर अस्पताल भर्ना भएको छु।दक्ष चिकित्सक र स्वास्थ्यकर्मीको सद्प्रयास र सबैको सद्भावले स्वास्थ्यलाभ हुनेनै छ।केही हप्ता सार्वजनिक जीवनबाट टाढा रहॅदा कामना छ-कोरोनाको दोश्रो लहरसंग जुझ्न र राजनीतिक गतिरोध अन्त्य गर्न हामी सफल रहौं! https://t.co/0MyYvDLoDv

— Baburam Bhattarai (@brb1954) April 29, 2021