काठमाडौँ– माओवादी केन्द्रबाट राष्ट्रियसभा सदस्य बनेका चन्द्रबहादुर खड्काको पद रिक्त भएको छ ।

माओवादी केन्द्रका तर्फबाट लुम्बिनिबाट राष्ट्रियसभा सदस्य बनेका खड्का एमाले प्रवेश गरेका कारण माओवादी केन्द्रले उनलाई कारबाही गर्ने निर्णय गरेको थियो ।

त्यही कारबाहीको सूचना संघीय संसद सचिवालयलाई माओवादी संसदीय दलका नेता दिनानाथ शर्माले गराएका थिए ।

नेता शर्माले कारबाही गरेको सूचना संसदलाइ जानकारी गराएपछि राष्ट्रियसभा सचिव राजेन्द्र फुयालले सूचना प्रकाशन गर्दै सदस्य खड्काको पद रिक्त भएको जानकारी गराएका हुन् ।

सभा सञ्चालन नभएका बेला सूचना प्रकाशन गर्नुपर्ने कानूनी व्यवस्थाअनुसार सचिव फुयालले सूचना प्रकाशन गरेका हुन् ।