काठमाडौं । गृहमन्त्री रामबहादुर थापाले निर्मला पन्तको बलात्कारपछि हत्या गर्ने अपराधी पत्ता लगाउन समय लाग्न सक्ने बताउनुभएको छ । प्रतिनिधिसभा बैठकमा बुधबार सांसदका प्रश्नको जवाफ दिँदै थापाले सरकार हत्यारा पत्ता लगाउन प्रयत्नशील रहेको बताउनुभयो ।

झन्डै ७ महिनासम्म अपराधी पत्ता लगाउन नसकेको भन्दै सरकारको अलोचना भइरहेको छ । महिला हिंसा सम्बन्धमा नेपाल प्रहरीले ९५ प्रतिशत अपराधीलाई कठघरमा ल्याएको गृहमन्त्री थापाले बताउनुभयो । ‘४–५ प्रतिशतलाई कानुनको कठघरमा ल्याउन सरकार प्रयत्नशील छ ।

मन्त्री थापाले भन्नुभयो केही केसमा अपराधी पत्ता लाग्न समय लाग्छ, निर्मला पन्तको घटनाले पनि समय लिएको छ । सरकार छिटोभन्दा छिटो अपराधी पत्ता लगाउन प्रयत्नशील छ ।’ समाचार कान्तिपुर दैनिकले प्रकाशित गरेको छ ।