काठमाडौँ– नेपाली कांग्रेसले आज पदाधिकारी तथा पूर्वपदाधिकारी बैठक बोलाएको छ ।
पार्टीको १४ औँ महाधिवेशन र समसामयिक राजनीतिक विषयमा छलफल गर्न बैठक बोलाइएको कांग्रेसले जनाएको छ ।
सभापति शेरबहादुर देउवाले आज दिउँसो २ बजेका लागि आफ्नै निवास बुढानिलकण्ठमा बैठक बोलाएका छन् ।
पार्टीको १४ औँ महाधिवेशनको तयारीका विषयमा बैठक केन्द्रित हुने सह–महामन्त्री डा. प्रकाशसरण महतले जानकारी दिए । आजको बैठकले सोमबार बस्ने केन्द्रीय समितिको बैठकका लागि साझा प्रस्ताव र धारणा तयार गर्ने नेताहरुले बताएका छन् ।
बैठकमा राष्ट्रियसभाको उपनिर्वाचन, केन्द्र र प्रदेशको सत्ता समीकरण लगायत विषयमा समेत छलफल हुनेछ ।
प्रतिक्रिया