मुम्बई–बलिउड अभिनेताहरु आफ्नो उमेरलाई भन्दा पनि आफ्नो कामलाई बढी ध्यान दिन्छन् । त्यहीकारण उनीहरु जुनसुकै उमेरका अभिनेत्रीहरुसँग रोमान्स गर्न लालयित छन् ।

बलिउड लाइफका अनुसार बलिउडका केही यस्ता अभिनेत्रीहरु छन्, जसले २० वर्षभन्दा बढी उमेरका अभिनेताहरुसँग अनस्क्रिन रोमान्स गरेका छन् ।

अभिनेता सलमान खान र अभिनेत्री दिशा पाटानीको रोमान्स रहेको फिल्म ‘राधेः योर मस्ट वान्टेड भाइ’ यसैवर्षको इदमा रिलिज हुँदैछ । यो जोडीको उमेर अन्तर २७ वर्ष बढी नै छ ।

फिल्म ‘डियर जिन्दगी’मा अभिनेता शाहरुख खान अभिनेत्री आलिया भट्टको मेन्टरको भूमिकामा देखिएका थिए । यो जोडीको उमेर अन्तर हेर्ने हो भने २८ वर्षको छ ।

फिल्म ‘सुल्तान’ले बक्सअफिसमा तहल्कै मच्चायो । यो फिल्ममा सलमान खान र अनुष्का शर्माको जोडीलाई दर्शकले खुबै मनपराए । दर्शकले रुचाएको यो जोडीको उमेर अन्तर २० देखि माथि नै छ ।

अभिनेता अजय देवगन र अभिनेत्री सायशा साइगलले फिल्म ‘शिवाय’मा अभिनय गरे । यो फिल्ममा अभिनय गर्दा सायशाको उमेर १८ मात्र थियो । यी दुई कलाकारको उमेर अन्तर २८ बढी छ ।

अभिनेता सलमान खान र अभिनेत्री सोनम कपूरले फिल्म ‘प्रेम रतन धन पायो’मा सहकार्य गरे । उनीहरुको उमेर अन्तर २० बढी छ ।

अभिनेता नसिरुद्धिन शाह र विद्या वालन अभिनित फिल्म ‘डर्टी पिक्चर’ दर्शकको नजरमा परेको फिल्म हो । यी कलाकारहरुले आफ्नो क्यामेष्ट्रीलाई जीवन्त बनाउने निकै मेहनत गरेका छन् । यी दुईबीचको उमेर अन्तर २९ छ ।